Kwinestyunaran dagiti senador ti Department of Trade and Industry (DTI) kalpasan a naduktalan nga agingga iti agdama ket saan pay nga opisyal a kinanselar iti implementing board a Philippine Contractors Accreditation Board (PCAB) ti lisensya iti Wawao Builders ken Syms Construction Trading—dagiti kompanya a karaman iti naanomalyaan a flood control projetcs.
Iti 2026 National Budget hearing, imbutaktak ni Senator Imee Marcos nga aktibo paylaeng dagiti lisensya dagiti nasao a kompanya iti baet ti lifetime ban dagitoy iti Department of Public Works and Highways (DPWH).
Depensa met ni Philippine Contractors Accreditation Board (PCAB) Executive Director Sergie Retome,saanda pay a makagaraw gapu ta awan pay iti baro a miembro ti PCAB Board kalpasan a naglusulos dagiti tallo a sigud a miembro daytoy.
Kagiddan dayta, binabalaw metlaeng ni Senator Marcos ti Construction Industry Authority of the Philippines (CIAP) a mangipaay koma iti superbisyon iti PCAB nu sadino, inakusaran ti sendora a saan daytoy a tungtungpalen ti pagrebbenganna kas regulatory body.
Nupay kasta,impanamnama ni Retome nga isumitirda a dagus ti rekomendasyon para iti license revocation apaman nga addan dagiti sumukat a miembro iti PCAB board.
