--Ads--
Impeteng ni Department of Interior and Local Government (DILG) Secretary Victor “Jonvic” Remulla, nga isagsaganan ti Bureau of Jail Management and Penology (BJMP) dagiti pasilidad para iti pakaibaludan dagiti personalidad a karaman iti naanomalyaan a flood control projects.
Inlawlawagna a saan a dagitoy ti mangidaulo iti aniaman a desisyon ti korte no sadino dagiti karaman a personalidad ket possible a maibalud iti kanito a mapaneknekanda a karaman iti nasao nga isyu.
Nupay kasta, innayonna a possible a ti pakaibaludan dagitoy ket iti New Quezon City Jail sadiay Payatas, Quezon City.
