Asistaran iti Department of Social Welfare and Development (DSWD) dagiti pasaheros nga agawid kadagiti bukodda a probinsya para iti panakalagip iti All Souls’ Day ken All Saints’ Day babaen iti panangipaay dagitoy iti food packs ken ready-to-eat food items.
Imbilinen ni Social Welfare Secretary Rex Gatchalian kadagiti amin a regional directors iti nasao nga ahensya a siguradwenda a nakasagana dagitoy kadagiti nasao nga aldaw.
Sigun met kenni DSWD spokesperson Irene Dumlao, addan ti naan-anay a relief items a pakairamanan metlaeng dagiti non-food items a maipaay kadagiti biahero nga stranded.
Sigun kenni Dumlao, nakapreposition dagitoyen kadagiti nagduduma a terminal ken sangladan.
Malaksid iti dayta, nakasagana metlaeng dagiti amin a DSWD Quick Response Teams (QRTs)a mabalin nga agresponde kadagiti untoward incidents a posible a mapasamak.
