Kidkiddawen ti pamilya ken dagiti sumupsuporta kenni Mary Jane Veloso ti panakapapartak ti panakadengngeg iti kaso daytoy kontra kadagiti rekruterna.
Itay laeng nabiit ket nangipatungpal dagitoy iti demonstrasyon iti sangwanan iti Korte Suprema para iti nasao a tarigagay ken tapno makapagsumitir ni Veloso iti testimonyana a mangpaneknek a daytoy ket biktima iti human trafficking.
Iti surat a nakaaddress kenni Court Administrator Ma. Theresa Dolores Gomez-Estoesta, kiniddaw ti abogado ni Veloso manipod National Union of People’s Lawyers a mangngeddeng daytoy a maituloyen ti panagdengngeg iti National Institution for Women (CIW) idiay Mandaluyong a nakaibaludan ita ni Veloso
Kagiddan dayta, kiniddaw metlaeng ti ina ni Veloso ti panagtignay ti nasao a korte tapno makaawiden ti anak daytoy.
Iti agdama ket pending paylaeng ti kaso nga impila ni Veloso pakairamanan iti human trafficking, illegal recruitment ken estafa iti Regional Trial Court Branch 89 idiay Baloc, Sto. Domingo, Nueva Ecija.
Maipalagip a ni Veloso ket nakaawid iti pagilian idi 2024 kalpasan iti 14 a tawen a panakaibalud daytoy idiay Indonesia kasta metten ti panakaipilana iti death row gapu iti kaso daytoy a drug trafficking.
