Inwaragawag ti Department of Health (DOH) nga addan dagitoy iti Code Blues Alert, kasaruno ti panagdalapus ti Bagyo a Tino.
Sigun iti nasao nga ahensia, naipangato ti alert level kalpasan nga indeklara ni President Ferdinand Marcos Jr. kas state of National calamity ti intero a pagilian.
Kasaruno paylaeng daytoy iti epekto ti bagyo a Tino iti Visayas, dadduma a paset ti Luzon ken Mindanao.
Maipalagip a ti Code Blue Alert ket mangipalubos iti intero a DOH, agraman dagiti regional offices ken health facilities a paingtenda ti alert status dagitoy ken mangipatulodda ti kanayonan a health personnel kadagiti apektado a lugar.
Malaksid iti dayta, agiwaras pay ti ahensia ti agas ken suplay iti intero a pagilian; ma-activate ti Operations Center (OPCEN) ken Health Emergency Management Staff (HEMS) para iti nasaysayaat a koordinasion.
Sigun iti DOH, nakasaganna metten ti tallo a Philippine Emergency Medical Assistance Teams (PEMAT) a mangipaay ti outpatient services wenno set up makeshift hospital tents.
