Naduktalan dagiti sumagmamano a maatap a korapsion iti Department of Health (DOH) partikular dagiti health center projects.
Sigun kenni DOH budget sponsor ken Bataan Representative Albert Garcia nga iti napalabas a 10 a tawen, agarup P170 billion ti inlatang ti gobierno para iti Health Facilities Enhancement Program (HFEP) ti DOH.
Sigun kadagiti sumagmamano a maseknan nga indibidual, maar-aramat ti maysa a Mega Health Centers iti Sitio Macanhan idia Brgy. Carmen, Cagayan de Oro, kas “sampayan” wenno clothesline.
Nairugi ti konstraksion daytoy idi March 2024 ngem saan paylaeng a naileppas gapu iti maatap a panangabandona ti kontraktor.
Mainaig iti dayta, saan metlaeng a maar-aramat ti Barangay Health Center sadiay Miagao, Iloilo.
Sigun kenni Miagao Mayor Richard Garin Jr., naimplementar ti proyekto idi napalabas nga administrasion ngem saan a na-turned over.
Sumagmamano metlaeng a proyekto kas iti P17 million Super Health Center idiay Cadiz, Negros ti saan paylaeng a nalpas iti baet a limmabes ti July 2024 deadline daytoy.
Nupay kasta, sigun iti Durabuild Construction a kontraktor ti nasao a proyekto, sanglawen laeng ti P10 million contract ti structural works ken saan a karaman ti finishing ti proyekto.
Kabayatanna, kinuna ti DOH a manipud iti 800 health centers a napunduan idi napalabas nga uppat a tawen, 300 ti agdma a non-operational.
Impakaammo metlaeng ni DOH Secretary Ted Herbosa a dagiti Top 15 a kontraktors a karaman iti naanomalyaan a flood control projects ken nagtrabaho metlaeng iti DOH projects.
