--Ads--
Impakaammo ni Foreign Affairs Secretary Ma. Theresa Lazaro nga awan ti naawat iti gobierno iti Pilipinas a report seknan iti pannakaarestar ni Harry Roque sadiay The Netherlands.
Sigun kenkuana, agtultuloy ti pannakipagsaritada iti Embahada ti Pilipinas sadiay ngem awan ti naalada a kopirmasion.
Kabayatanna, kinumpirmar metlaeng ni Lazaro a nakanselar itan ti pasaporte ni Roque ken Lucky South 99 representative Cassandra Li Ong.
Maipalagip nga agpada a naakusaran da Roque ken Ong nga adda iti pakainaiganda iti human trafficking case iti Lucky South 99 Corporation, ken Philippine Offshore Gaming Operator hub sadiay Pampanga.
Nakanselar dagiti pasaporte dagitoy kalpasan nga imbilin iti Pasig City Regional Trial Court idi Nobiembre 24, 2025.
