Suspinderen ti Department of Social Welfare and Development (DSWD) ti pannakaipaulog iti guarantee letters para iti Assistance to Individuals in Crisis Situations (AICS) manipud Disiembre 1 agingga iti ngudo ti 2025.
Sigun kenni DSWD Assistant Secretary Irene Dumlao, maipatungpal ti suspension gapu ta agserra dagiti accounting books iti ngudo ti agdama a tawen.
Iti baet dayta, impetteng ni Dumlao a bayadanda dagiti service providers sakbay nga agserra dagiti accounting books.
Maipalagip a ti AICS program ket buklen ti dua a financial assistance no sadino, pakairamanan daytoy ti outright cash assistance ken guarantee letters.
Sigun pay kenni Dumlao, mabalin a mangisubmitir dagiti benepisiario iti guarantee letters para iti December 2025 discharge ngem maipaulog daytoy intun January 2026.
Impanamnama met ni Dumlao a mangipaay latta ti DSWD iti P10,000 nga outright cash iti baet a nasuspinder ti AICS.
