Agtultuloy nga umad-ado dagiti turista a bumisbisita kadagiti nagduduma a tourist spots idiay Atok, Benguet kagiddan iti panagbaba iti temperatura sadiay.
Iti pannakiuman ti Bombo Radyo Baguio kenni Atok Mayor Franklin Smith, imbinglayna nga agtultuloy a manaynayunan dagiti turista nga agturturong kadagiti nagduduma a tourist spots iti nasao a munisipyo.
Sigun kenkuana, nangrugi iti bulan ti Oktubre,a nanayunan dagiti bilang ti turista nga agturturong idiay gapu iti nalamiis a klima.
Inlawlawag ni Mayor Smith a maak-akomodarda latta dagiti bilang ti agturturong idiay.
Sigun kenkuna, adda dagiti transients, hotel, ken homestays idiay a mabalin a pagdagusan dagiti turista.
Nu maipanggep met kadagiti parapubliko a pasilidad, impakaammo ni Smith a manarimaan a pappasayaatenda dagitoy kas kadagiti parking ken toilets kadagiti tourist spots idiay Atok.
Mensahena met kadagiti agturturong a tuturista idiay nga agsuot kadagiti napupuskol a kawes, bonete ken gwantis tunggal bumisitada kadagiti tourist spots idiay.
Innayunna pay a kadagiti ag agmen-maintenance, ken adda ti rikriknaenda nga uminom daytoy kadagiti agasda ken vitamins gapu ta mabalin a mangtrigger ti kinababa ti temperatura idiay iti an-anayenda.
Mainaig iti dayta, pagyamyamanan ti nasao a local chief executive ti Philippine National Police -Benguet Provincial Director PCol. Lambert Suerte gapu iti additional a personnel a nadeploy kadagiti tourist spots iti nasao a munisipyo.
Sigun kenkuana, makita ti presensiya dagiti kameng iti kapulisan kadagiti nagduduma a tourist spots tapno mangsigurado iti kappia ken seguridad dagiti turista nga agturturong sadiay.//Bombo Karen Sapirao
