--Ads--
Kiniddaw ni sigud a presidential spokesman Harry Roque iti Commission for the Control of Interpol’s Files (CCF) nga ibasurada ti Red Notice kontra kenkuana nga immuna a kiddaw ti gobierno ti Pilipinas.
Sigun kenni Roque, maikontra daytoy iti linteg, politically motivated, ken naibasar laeng iti fabricated criminal case.
Gapu iti dayta, idagdagadagna iti panel nga ilaksidda ti kiddaw ti Manila, no sadino kinunana a nalawag a sinalungasing daytoy ti human rights standards ti organisasion.
Kabayatanna, impakaammo ni Roque a nabayagen ti arrest warrant ti ICC kontra kenni Senator Ronald dela Rosa.
Nupay kasta, itay laeng nabiit nga opisial a naawat ti Department of Justice (DOJ) ken Department of the Interior and Local Government (DILG).
