Insubli ni sigud a Department of Public Works and Highways–National Capital Region (DPWH-NCR) regional director, Engineer Gerard Opulencia ti P40 Million a kuarta iti Department of Justice (DOJ).
Paset daytoy ti inkarina nga insublina ti P150 Million manipud iti kickback iti flood control projects.
Sigun kenni DOJ Officer-in-Charge Fredderick Vida, nasaksian dagiti pannakabagi manipud iti Bureau of the Treasury ken dadduma pay nga opisial ti gobierno ti pannakaisubli ti nasao a kuarta.
Maipasidong daytoy iti beripikasion ti Land Bank of the Philippines.
Kabayatanna, kinuna ni Vida a ti kooperasion ni Opulencia ket paset ti panagregget ti gobierno a maisubli dagiti natakaw a pondo ti publiko ken tapno makasuan dagiti nairaman iti iligal a transaksion.
