Ngimmato ti bilang ti acute non-communicable disease (NCD) complications ita a paskua.
Sigun iti Department of Health (DOH), dua ti pimmusay manipud December 21 agigga December 24 gapu iti acute stroke ken acute coronary syndrome.
Iti kaudian a panagsukimat ti nasao nga ahensia, adu dagiti naospital nga agtawen iti 60 agingga 69 gapu iti NCD.
Maibar iti datos, kaaduan kadagiti nagkapasar iti acute stoke ket agtawen iti 15 agingga 45.
Inlawlawag ti DOH a ngumatngato ti NCD complications iti holiday season gapu iti biglaan a panagbaliw ti lifestyle kas iti overeating.
Malaksid iti dayta, ngumato metlaeng ti alcohol consumption ken dadduma pay tunggal holiday season.
Gapu iti daytoy, binalakadan ti DOH ti publiko nga isayangkat ti regular medical consultation ken saan nga itantan ti panagpakonsulta, no makapasar iti sinyales iti panagsakit ti barukong ken marigatan nga aganges.
