Maibilbilang a naglusulos iti pwesto ken serbisio iti Philippine National Police(PNP) ni sigud a PNP Chief Nicolas Torre III.
Daytoy ket kalpasan nga inawatna ti posision kas baro a General Manager iti Metropolitan Manila Development Authority (MMDA).
Maipalagip nagsapata ni Torre iti baro a posisionna idi Biernes, Disiembre 26, 2025.
Sigun kenni National Police Commission (Napolcom) Vice Chairman Rafael Vincente Calinisan, ti panagtugaw ni Torre iti MMDA ket mangipasidaag iti “ipso facto resigned” wenno awtomatiko a panaglusulos iti pwestona iti PNP.
Mainaig iti dayta, agserbi a dalan ti panaglusulos ni Torre tapno agbalin nga opisial a hepe ti PNP ni Lt. Gen. Jose Melencio Nartatez Jr. ken maalana ti kangatuan a ranggo a sigud nga iggem ni Torre.
