Nailista ti Department of Health (DOH) ti 91 a kaudian a bilang ti firework-related injuries iti pagilian.
Iti baet dayta, nababa paylaeng daytoy no idilig iti datos manipud 2024.
Sigun iti nasao a departamento, nailista ti nasao a kaso manipud December 21 agingga 27.
Maibasar iti datos ti nasao nga ahensia, nailista ti kaaduan a kaso iti National Capital Region a dumanon iti 40, sumaruno ti Ilocos Region a dumanon iti 10 ken iti Western Visayas a nakailista iti 8 a kaso.
Kaaduan kadagiti biktima ket agtawen iti 10 agingga 14 a lallaki.
Kabayatanna, kangruan a rason iti pannakadangran dagiti biktima ket gapu iti 5-star,Boga, Kwitis, Pla-pla ken dadduma pay a kita ti palibang.
Gapu iti dayta, inyunay-unay ti DOH a saan nga agiggem dagiti agtutubo iti fireworks tapno maliklikan ti anya man nga aksidente.
