--Ads--
Nagballaag ti Land Transportation Office (LTO) iti publiko kontra kadagiti peke a social media post, maipapan kadagiti maipagarup a panagbalbaliw kadagiti polisia ti ahensia, kas kadagiti pagannurotan iti driver’s licenses.
Sigun iti LTO, saan nga agpaypayso ti nasao a social media post ken saan a nagtaud iti nasao nga ahensia ti impormasion.
Gapu iti dayta, agpalpalagip ti LTO kadagiti Pilipino a saan a dagus a mamati ken mangibingbinglay iti impormasion, nangruna no saan a beripikado no ti impormasion ket manipud iti official social media accounts dagitoy.
Inyunay-unay ti nasao nga ahensia a ti LTO official social media accounts laeng dagitoy ti mapagtalkan, no maipapan iti patakaran ken aktibidades ti nasao nga ahensia.
