--Ads--
Kinemmeg dagiti kameng ti Bureau of Immigration (BI) Fugitive Search Unit ti 21-anyos a Russian vlogger a nagviral kalpasan a nagpangta iti social media nga inggagarana a mangiwaras iti HIV bayat nga adda iti Pilipinas.
Nabigbig ti gangganaet a ni Nikita Chekhov, a nakemmeg iti uneg ti maysa a condominium idiay Quezon City.
Nakadanon ni Chekhov iti pagilian kas turista idi Enero 15 ken nangipablaak ti adu a video a naala iti Bonifacio High Street idiay Taguig, a posible a “rage bait” content a nangitunda iti buteng kadagiti netizens iti online.
Iti agdama, adda ita ti Russian iti detention facility ti BI bayat a maur-uray ti deportation proceedings, ken makikikoordinar metten ti ahensia iti Department of Health seknan iti nasao a kaso.
