Impeksa ni Department of the Interior and Local Governemnt(DILG) Secretary Jonvic Remulla a mabalin a pilaanda iti kaso ken i-extradite ti kontrobersyal a Russian Vlogger a ni Vitaly Zdorovetskiy kalpasan ti akusasyon daytoy a mapaspsamak ti korapsyon iti pagbaludan.
Iti ngamin statement ti Russian Vlogger, kinunana a naaddaan latta daytoy ti akses iti mobile phone na babaen iti panangbayadna iti agbanbantay wenno guard iti pagbaludan.
Innayon pay ni Vitaly nga adda bileg ti kwarta iti Pilipinas nu sadino, mabalin a maaramid ti anyaman.
Gapu iti dayta, kinuna ni Remulla a nu ibilbilang ti nasao a vlogger a maysa daytoy a corrupter iti pagbaludan ket mabalin a mapilaan ti kaso.
Maipalagip a ni Vitaly ket inarestar dagiti kameng iti Bureau of Immigration (BI) idi April 2025 kalpasan a nagviral ti kontent nga impablaakna iti social media pagena a nangharass iti Pilipino.
Naipasidong daytoy iti kustodiya iti Bureau of Jail Management and Penology (BJMP) sakbay a naiyakar iti detention faility iti Bureau of Immigration (BI).
Idi laeng January 17, naideport daytoy.
Kabayatanna, agtultuloy met nga im-imbestigaran dagiti otoridad nu apay a naaddaan latta ti akses ti nasao a gangganaet iti mobile phone daytoy kabayatan nga adda iti pagbaludan.
Sigun kenni Bureau of Immigrationn(BI) Commissioner Joel Anthony, napasamak ti insidente kadagiti bulan ti Hunyo wenno Hulyo idi napan a tawen rason a naipatungpal a dagus ti raid iti uneg ti pasilidad ken panakakumpiskar dagiti gadget a naiserrek iti daytoy.
Mainaig iti dayta, naikkat iti serbisyo dagiti opisyal a maatap a nagbalin nga irresposable kadagiti pagrebbenganda mainaig iti nasao nga isyu.
