--Ads--
Agserbi kas special guest iti grand street parade ti Baguio Flower Festival wenno Panagbenga ni Department of Public Works and Highways Secretary Vince Dizon.
Daytoy ket sigun kenni Anthony De Leon, chairman ti Baguio Flower Festival Foundation, Inc. iti eksklusibo a panakiuman kenkuana ti Bombo Radyo Baguio.
Inlawlawagna nga agtal-talekda gamin iti abilidad ni Dizon, supsuportaranda dagiti pangpanggepna, ket kayatda nga agbalin met isuna a paset ti Panagbenga Festival, malaksid laeng a gayyem daytoy ni Baguio City Mayor Benjamin Magalong.
Innayonna nga inton Float Parade met, agserbi kas special guest ni Japanese Ambassador to the Philippines Endo Kazuya.//Bombo Alfred Pudsoc
