Tallo a nagsasaruno nga uram ti napasamak iti nagduduma a lugar iti Baguio City idi napan a lawas.
Pakairamanan daytoy ti napasamak idi February 6 idiay Interior C Balacbac, Sto. Tomas Proper,Baguio City.
Naitawag ti insidente kadagiti otoridad 12:14 iti pangaldaw iti nasao a petsa bayat a naideklara met ti fire out iti 12: 46 iti metaleng pangaldaw.
Sigun kadagiti otoridad, sangaribo metro cuadrado ti kalawa ti naapektaran.
Rimwar met iti imbestigasyon a ti gapuanan ti nasao nga uram ket ti nabaybay-an a campfire pit.
Idi met February 7, napasamak ti kapada nga insidente idiay Purok 10,Dontogan, Baguio City nu sadino, agarop sangaribo metro cuadrado metlaeng ti kalawa ti naapektaran.
Sigun kadagiti otoridad, adda ti nakita dagiti construction workers sadiay nga ubbing nga agga-ayam sakbay a napasamak ti insidente nupay kasta, manarimaan pay ti imbestigasyon iti daytoy.
Kabayatanna, napasamak met ti structural fire idiay Quezon Hill idi metlaeng February 7 nu sadino, naapektaran ti kusina ti pasdek.
Rumrumwar iti imbestigasyon a nalipatan ti agtagibalay ti nakasa-ang nga heater iti danom a pagdigos koma ti anak daytoy rason a posible a nag-overheat nangruna ket awanan ti otomatiko a shut off.//Bombo Noveh Organo
