BAGUIO CITY – Impetteng ni Eugene Andrei Enciso, miembro ti National Union of Students in the Philippines – Cordillera a kiddawenda ti panagsungbat dagiti amin a karaman iti korapsyon iti pagilian.
Mangisayangakat dagitoy iti forum intun February 23 seknan iti prospects iti Anti-corruption movements nga isayangkatda kagiddan iti panaglagip iti EDSA Revolution.
Iti interview ti Bombo Radyo kenni Enciso, kinunana nga isayangkatda ti rally intun February 25 a pasetan dagiti nagduduma a sektor.
Mangrugi daytoy iti 6:00 pm iti Malcom Square iti suidad ti Baguio.
Inlawlawag ni Enciso a naipamaysa ti kiddawda seknan iti anti-corruption ken ti panangsungbat gaputa, saanda a mapnek iti ar-aramiden ti gobierno a mangparmek iti korapsion iti pagilian.
Kabayatanna, pabor daytoy a maideklara nga special non-working holiday wenno holiday ti February 25.
Inlawlawagna a historikal ti nasao nga aldaw, gaputa ditoy a napaneknekan a kabaelan dagiti Pilipino a mangpaikkat iti inawaganna a diktador.
Kidkiddawenna nga ideklara a holiday ti nasao nga aldaw tapno isayangkat dagiti agtutubo ti civic participation gapu iti nagduduma nga isyu a sangsangwen ti pagilian a Pilipinas.
