Inaprubaranen ti House Committee on Appropriations babaen iti panangidaulo ni Representative Suansing ti substitute bill nga mangipaulog ti Presidential Merit Scholarship Program (PMSP).
Maipasuding ti nasao a linteg iti Legislative-Executive Development Advisory Council (LEDAC) agenda ni President Ferdinand “Bongbong” Marcos kas maysa kadagiti prayoridad a linteg.
Nangrugi ti nasao a programa iti 2025 State of the Nation Address ti presidente no sadino inyanunso na ti merit-based scholarship para kadagiti senior high school graduates nga addaan iti nangangato a grado.
Para iti Academic Year 2026-2027, nangilatang ti Commission on Higher Education (CHED) ti agarup P600-Milyon para iti 20,000 nga estudyante nga agleppas iti sidung ti Bagong Pilipinas Merit Scholarship.
Ti pondo a maaramat ti ummuna a tawen ti implementasyon ken magapo iti mannarimaan nga appropriations ti Commission on Higher Education (CHED) bayat a magapo met iti General Appropriations Act.
Naituding meten a maipresenta ti nasao a linteg iti plenaryo para iti kanayunga nga deliberasyon. // Bombo Karen Calpoe Sapirao
