UPDATE- Pimmusay ti dua a biktima iti napasamak a pammaltog sadiay Calaba Bridge, Calaba, Bangued, Abra, pasado ala sais ti rabii idi February 24, 2026.
Nabigbig dagiti pimmusay a da Ezequiel Castañeda Parado, agtawen iti 35, Barangay Chairman ken residente ti Barangay Collago ken Arlene Dorias, addaan iti umno nga edad, residente ti Collago, Lagayan, Abra.
Kabayatanna, agpatpattaming iti ospital dagiti dadduma a biktima a Ailyn S. Parado, addaan iti umno nga edad, Sangguniang Bayan Member ken residente iti Brgy. Collago, Lagayan, Abra;Edron Salingbay, addaan iti umno nga edad, residente ti Collago, Lagayan, Abra; ; ken Jaypee Soliba Gacayan, agtawen iti 38, awanan asawa, mannalon, manipud Nueva Era, ken agnanaed sadiay Brgy. Collago, Lagayan, Abra.
Iti immuna nga imbestigasion dagiti otoridad, napasamak ti insidente bayat a nakalugan dagiti biktima iti dark blue a Toyota Fortuner bayat a dadduma kadagiti biktima ket nakalugan met iti green a Nissan Frontier Pick-up.
Sigun iti Banguet Municipal Police Station, saan paylaeng a nabigbig dagiti suspek a nakalugan iti white pick-up.
Iti agdama, agtultuloy ti paylaeng ti imbestigasyon dagiti otoridad iti napasamak nga insidente.
Maipatpatungpal metten ti hot pursuit operation para iti pannakabigbig ken pannakarestar dagiti suspek./mp4
