--Ads--
Naobserbaran ti Philippine Institute of Volcanology and Seismology (PHIVOLCS) ti ash emission wenno ti panagruar ti dapo iti Kanlaon Volcano sadiay Negros Island.
Sigun iti nasao nga ahensia, nagrugi a naobserbaranda ti dapo itay laeng agsapa, February 27, 2026.
Gapu iti dayta, naideklara ti Alert Level 2 no sadino, posible a mapasamak ti killaat a panagbetak ti bulkan wenno phreatic eruptions.
Maipalagip nga iti sidong ti Alert Level 2, maiparit ti panagturong iti four-kilometer-radius Permanent Danger Zone (PDZ).
Malaksid iti dayta, maiparit metlaeng ti panagtayab dagiti eroplano iti asideg ti nasao a bulkan.
