Naibabawi ti resolusyon a naisumitir tapno ideklara ti Southern Cowboy a ni Romeo Ogong a persona non grata iti siudad ti Baguio.
Napagtatalantanan daytoy iti regular session ti Baguio City Council idi kalman.
Napagnunumuan ti nasao a desisyon kalpasan iti panagkiddaw ni Ogong ti dispensar iti press conference a naangay idi napalabas a lawas idiay Ibaloi Heritage Park.
Inlawlawag met ti Onjon ni Ivadoy Association idi kalman a saan naggastos ni Ogong para iti sabusab ken tavtaval, maysa a kaugalian nu sadino mapagtatalantanan ti maysa nga isyu iti naannayas a pamay-an.
Kalpasan daytoy ti nagwaras a damag a naipaabaga ti gastos kenni Ogong.
Nagramot amin dagitoy idi Pebrero 23 kalpasan a nag-angaw ti nasao nga artista manipud Sarangani kabayatan iti panag-perform daytoy iti maysa a concert , banag a saan a nagustuan ti publiko nangnangruna dagiti babbai. //Bombo Karen Calpoe Sapirao
