Inyuswat iti Department of Migrant Workers (DMW) ken iti Department of Information and Communications Technology (DICT)-Cordillera ti help desk tapno tumulong kadagiti overseas Filipino workers (OFWs) a naapektaran iti krisis idiay Middle East ken iti pamiliada.
Sigun kenni Director Jimmicio Daoaten, mabalin a bumisita dagiti naapektaran a pamilia iti opisina iti DICT-CAR manipod iti alas-8 iti agsapa agingga iti alas-5 iti malem tapno maaramat ti internet ken dagiti computer iti pannakisarita kadagiti ay-ayatenda iti biag iti dadduma a pagilian.
Indagadag ti DMW kadagiti apektado a migrant workers ken dagiti pamiliada nga agtalinaed a kalmado ken dagus a makiuman kadagiti opisina para iti aniaman a pakaseknan wenno emerhensia a kasapulan.
Kinuna metlaeng ni Daoaten nga aktibo itan dagiti opisina iti DICT kadagiti probinsia iti rehion Cordillera dagiti help desk dagitoy.
Kabayatanna, kinuna ni Overseas Workers Welfare Administration (OWWA)-CAR Director Dina Ponciano nga adda ti 1348 hotline ti ahensia dagitoy para iti tulong.
Binalakadanna dagiti OFW idiay Middle East a sumurot kadagiti abiso iti Embahad iti Pilipinas ken kadagiti lokal nga otoridad seknan iti sitwasion iti seguridad.
