--Ads--
Kinumpirmar ti abogado ni Pacifico “Curlee” Discaya a naitaray ti nasao a contractor iti pagagasan.
Ni Curlee ti maysa kadagiti personalidad nga adda pakaiganna iti flood control scandal iti pagilian kadua ti asawa daytoy a ni Sarah Discaya nga iti agdama ket nakadetain met idiay Lapu-Lapu City Jail.
Iti statement ti abogado daytoy a ni Cornelio Samaniego III, nakarikna ni Curlee ti nagduduma a sakit.
Kinumpirmar met ni Senate President Vicente ”Tito” Sotto III a mannarimaan a naipasidung ni Curlee Discaya iti MRI test gapu iti frozen shoulder.
Sigun kenni Sotto, apagbiit laeng nga oras ti panagtalinaed ni Discaya iti ospital isu’t gapunna a nakasubli metlaeng a dagus dayoy iti detention facility ti Senado. //BomboKCS
