Inaprobaran ni President Ferdinand Marcos Jr. ti 4-day Workweek para kadagiti Executive Offices.
Nupay kasta, saan a karaman iti four-day workweek dagiti ehensia a mangipapaay iti emergency wenno essential services, kas iti pulisya, firefighters ken opisina a mangipapaay iti frotline services iti publiko.
Mangrugi intun March 9, sumagmamano nga ahensia iti sidong ti executive branch ti mangimplementar iti four-day workweek set up.
Maipatungpal daytoy bayat a mapaspasaran ti pagilian ti panagngato ti presio ti petrolyo nga intuntunda ti tensyon sadiay Middle East.
Iti sidong ti Memorandum Circular 114 a pinirmaan ni Executive Secretary Ralph Recto, adaptaren dagiti ahensia ti four-day onsite work arrangement.
Daytoy ket babaen iti compressed workweek wenno ti naituding a gagangay nga aldaw para kadagiti work-from-home arrangements.
Ti 4-day Workweek ket agtalinaed nga epektibo agingga a maikkat wenno waswasen ti Presidente daytoy.
