Impatumpal ti Department of Education (DepEd) ti uppat nga aldaw nga onsite work iti maysa a lawas kadagiti amin a non-teaching personnel ti pagadalan.
Nangrugi daytoy ita nga aldaw.
Iti imparuwar a memorandum ni Education Secretary Sonny Angara, impaulogna ti work-from-home day ti aldaw ti Biyernes para kadagiti nasao nga empleyado, karaman dagiti contract-of-service ken job order personnel.
Nupay kasta, inlawlawag ti nasao nga ahensya a saan a saklawen ti nasao a direktiba dagiti mannursuro.
Agtalinaed latta ti regular a class schedule dagitoy tapno masigurado nga agtuloy latta ti panagadal dagiti esudyante ken maipatumpal dagiti amin nga end-of-school-year activities.
Ti nasao a direktiba ti DepEd ket maitunos iti Memorandum Circular No. 114 a pinirmaan ni Executive Secretary Ralph Recto a mangibilbilin iti panagtipid iti enerhiya kadagiti pasilidad gapu iti mapaspasaran a tensyon idiay Middle East.
Target gamin ti nasao nga ahensiya a mapababa ti 10% agingga 20% ti panagkomsumo ti kuryente ken krudo kadagiti pasilidad dagitoy. //BomboKCS
