Adadda a pinapigsa ti Department of Energy (DOE) ken kapulisan ti panagbantay kontra kadagiti gasolinaan kalpasan iti manamnama a panangngato ti presyo ti produkto a petrolyo ita a lawas.
Nakitinulong ti nasao nga ahensiya iti Department of Information and Communications Technology (DICT) tapno mangiparuwar ti maysa nga electronic complaint platform nu sadino ditoy a mabalin a mangipila dagiti konsyumer ti reklamoda kontra kadagiti gasolinaan a maatap a manglablabsing iti fuel pricing rules.
Sigun iti Department of Energy, daytoy ket tapno mapapartak ti panangmonitorda ken panangisumitir ti publiko ti reklamo da.
Maaramat ti nasao a plataporma babaen iti eReport tab iti application nga eGov application.
Kasapulan laeng a pilien ti opsyon a Gas Station Concerns ken i fill in dagiti kasapulan nga impormasyon.
Malaksid iti dayta, makikokoordinar ti Department of Energy iti Department of the Interior and Local Government (DILG) ken Philippine National Police (PNP) para iti nainget a panagbantay kontra iti hoarding ken profiteering.
Alalukoyen met ti gobyerno ti publiko nga dagos nga ireportda nu adda dagiti mapagduwaduwaan nga aktibidad dagiti gasolinaan iti pagilian. //BomboKaren
