Inanusyo ti Department of Science and Technology (DOST) idi kalman nga iyaplikar da ti four-day workweek kas paset kas paset iti initiatiba ti gobyerno iti energy conservation iti pagilian gapu iti agtultuloy a tensyon idiay Middle East.
Iti impablaak ti nasao nga ahensiya, impakaamo daytoy a manglukat ti opisina dagitoy manipud alas-syete ti agsapa agingga alas-syete ti malem manipud Lunes agingga Huwebes bayat a non-working day da iti Biyernes, Sabado, ken Domingo.
Nupay kasta, agtuloy latta ti operasyon ti weather forecasting, flood warning, ken field operation services tapno masigurado a maipaay dagiti impormasyon iti sasaaden panawen iti publiko.
Kabayatanna, impakaammo met ti DOST- Philippine Institute of Volcanology and Seismology (PHIVOLCS) nga agtalinaed latta ti operasyonda manipud Lunes agingga Biyernes manipud alas otso ti agsapa agingga alas singko ti malem.
Daytoy ket paset paylaeng iti panangobserbar ti Administrative Order 005 Series of 2026 a panggepna a mangkisay iti energy consumption iti pagilian. //BomboKarenSapirao
