Dumanon iti innem nga incoming college freshmen manipod idiay Kalinga ti nakastrek iti 2026 Department of Science and Technology – Science Education Institute Undergraduate Scholarship Program, maibasar iti pablaak iti DOST-Kalinga.
Pasetda iti 8,500 a kwalipikado nga iskolar manipod iti nasurok 97,000 aplikante iti pagilian, a nagaplikar iti maysa kadagiti kaingetan nga scholarship programs iti Pilipinas.
Karaman kadagiti nakapasa da Pauleen Sophia Guanzon Angpao, Leigh Jasmine Bren Areja, Kashmir Lorraine Mamilig Eslava, Crushlee Althea Gal Galura, Jeof Bethafin Parilla Orteza, ken Patricia Mae Acopio Presto.
Sigun iti DOST, magudua dagiti iskolar iti dua a track: ti Merit Scholarship Program para kadagiti nangato ti kinalaingda iti science ken mathematics, ken ti RA 7687 Scholarship para kadagiti estudiante manipod iti low-income families a sumrek iti priority science ken technology courses.
Makaawat dagiti iskolar iti binnulan nga allowance, pondo para iti learning materials, thesis support, transportation assistance, ken tuition subsidy para kadagiti agad-adala iti pribado a pagadalan, malaksid pay iti insurance coverage.
Panggep iti programa a papigsaen ti bilang dagiti scientist, engineers, ken S&T professionals iti pagilian tapno makatulong iti pagsayaatan iti Pilipinas.
