Inbilin ni President Ferdinand “Bongbong” Marcos, Jr. ti dagos a panangipaay ti PHP 5,000 fuel subsidy para kadagiti pampasahero a draybers a naapektaran iti panangngato ti presyo ti produkto a petrolyo gapu iti mannarimaan a tensyon idiay Middle East.
Tapno mapapartak ti implementasyon, naaddaan ti panagtitipon dagiti mayor ti Metro Manila nga indauloan ni Executive Secretary Ralph G. Recto tapno mapasayaat ti proseso na ti panangipaay kadagiti subsidy.
Mangrugi ti pannangipaay ti fuel subsidy idiay Manila inton sumaruno a lawas ken idauloan daytoy ti Department of Social Welfare and Development (DSWD) ken Department of Transportation (DOTr).
Kalpasan daytoy, sumaruno met a maipaay ti nasao a subsidy kadagiti nagduduma a rehiyon iti pagilian.
Makitinulong met dagiti nagduduma nga ahensiya ti national government iti local government unit tapno masigurado ti napartak, naannayas, ken organisado a panangipaay ti nasao a subsidy kadagiti benepisyaryo. //Bombo Karen Sapirao
