Impanamnama ni House Speaker Faustino “Bojie” Dy III nga agtultuloy nga aggaraw ti House of Representatives tapno mapalag-an ti epekto ti tensyon idiay Middle East iti ekonomiya ti Pilipinas.
Sigun iti House Speaker, nupay saan a direkta a karaman ti pagilian a Pilipinas iti tensyon idiay Middle East, marikna latta ti epekto daytoy nangnangruna iti panangngato ti presyo ti produkto a petrolyo ken dadduma pay a basic needs.
Impetteng ni Dy a mangipaulog ti Kamara kadua ti Executive kadagiti priority bills ken addang tapno maksayan ti epekto ti panangngato ti presyo dagiti gagatangen.
Innayon pay daytoy nga agtultuloy a tutokan ti Kongreso ti pannakapapigsa ti ekonomiya ti pagilian ken panangprotekta ti panggedan dagiti Pilipino. //Bombo Karen Sapirao
