Impablaak ti Department of Foreign Affairs Consular Office Baguio (CO Baguio) a prayoridadda nga ipaayan dagiti passport applicants a babbai inton Marso 14, kas panangrambak iti National Women’s Month ita a tawen.
Iti advisory, nakalanad nga amin a babbai nga aplikante ket mabalin a makaala iti serbisio iti panangala iti pasaporte, ken rumbeng a walk-in applicants. Awan ti online appointment schedule para iti Department of Foreign Affairs Consular Office Baguio.
Innayonna a maakomodar met dagiti regular eligible courtesy lane applicants kas kadagiti senior citizens, persons with disabilities, solo parents, ken overseas Filipino workers, uray ania ti kinatao dagitoy.
Innayon pay ti nasao nga opisina a dagiti walk-in applicants a kurang ti requirements ket maipaayan iti agingga March 31, 2026, tapno kumpletuenda ken agsubli iti opisina tapno makumpleto met ti aplikasionda iti panagala iti passport.
Para kadagiti aplikasion a maisubmitir inton Marso 14, ti tentatibo a pannakairuar dagiti pasaporte ket inton Marso 24 manipud 1 p.m. agingga iti alas 5 iti malem.
