Inlawlawag ni Daryll Kim Longid, dadaulo iti Public Order and Safety Division(POSD) a nagkari dagiti kompanya iti lana iti Baguio City a saanda a gundawayan ti agdama a sitwasyon nu sadino, mapagdandanagan ti posible a panagkurang iti suplay dagiti produkto petrolyo.
Iti panakiuman ti Bombo Radyo kenni Longid, rimwar iti inspeksyonda nga agtultulnog dagiti gas stations kadagiti intuding iti Department of Energy (DOE) a ngumatwan iti presyo ngem adda laeng dagiti bassit a nagdudumaanda.
Sigun pay iti inspeksyonda, adda ti maysa nga istasyon a nagsara gapu ta naibusan dagitoy iti suplay— banag a naberipikar met idi sinirip dagiti otoridad ti imbakan dagitoy.
Nupay kasta,naglukat metlaeng ti nasao a gas station kalpasan a nakapagrestockda.
Kabayatanna,imbinglay ti opisyal nga awan ti namonitorda a naminpingsan a nagrekep gapu iti kinaawan ti suplay gapu ta daduma laeng kadagiti klase ti petrolyo nga ilaklakoda ti maib-ibus ken saan a sapasap.
Mainaig iti dayta, inlawlawag ni Longid a dagiti laeng small players iti siudad ti medyo marigatan a mangala kadagiti suplay dagitoy ii agdama bayat a dagiti dadakkel a kompanya a kas iti Caltex,Petron ken Shell ket saan unay.//Bombo Rob Dominguez
