Idagdagadag ni Senator Risa Hontiveros nga iraman metlaeng dagiti transport cooperatives kadagiti maipapaayan ti ayuda manipud gobyerno.
Sigun kenkuana, awan ti tulong a maipapaay kadagitoy isu’t gapunna nga addu kadagiti draybers ti saan a makapasada.
Impetteng ti senadora a kasapulan a masuportaran amin dagiti transport service provides, saan laeng a dagiti indibidwal tapno maliklikan ti pannakaparalisa iti pampubliko a transportasyon iti pagilian.
Gapu iti daytoy, kiniddawna iti Department of Budget and Management (DBM) nga adalen dagitoy no kasatnu nga maipaaramat ti P30 billion a pundo ti Assistance to Individuals in Crisis Situation (AICS) a programa iti sidung ti Department of Social Welfare and Development (DSWD), pakairamanan ti pundo iti gakat daytoy nga P52.8 billion supplemental budget.
Karamanen ditoy ti P12 billion transport subsidy para kadagiti PUV drivers, delivery riders, at TNVS drivers. //bombokcs
