Generally peaceful ti panakaipatungpal ti float parade kas paset ti pannakarambak ti Strawberry festival 2026 sadiay La Trinidad, Benguet idi March 21, 2026.
Sigun kenni Police Lieutenant Colonel Zacharias Caloy Dausen, chief of police ti La Trinidad Municipal Police Station, nagleppas ti parada ken civic parade a “very peaceful.”
Malaksid iti dayta, awan ti nailista nga insidente ken naimanehar a nasayaat ti gunay ti trapiko.
Inlawlawag ni Dausen nga adda laeng ti congestion sadiay Buyagan Rotonda ken iti paset ti Town.
Iti baet dayta, kinunana a ninamnamada agsipudta naiserra ti kalsada sadiay Km. 5 ken Km. 6 kabayatan ti parada.
Kabayatanna, agyamyaman ti nasao nga opisial iti publiko gapu iti natalged ken nasayaat a pannakaisayangkat dagiti parada.//via Bombo Noveh Oragano
