Aw-awagan ni Senator Risa Hontiveros ti mannarimaan nga adminitsrasyon nga dumngeg ken aksyonanda dagiti kiddaw ti transport sector iti tenga ti agtultuloy a panagngato ti presyo ti produkto a petrolyo iti pagilian.
Sigun iti senadora, addu dagiti commuter nga mangnamnama laeng ti pampubliko a transportason.
In-innot gaminen a makiskissayan dagiti public utiliy vehicle nga agbibiyahe gapu ta bassit laeng ti matmatgedan dagitoy.
Dinakamat ti senadora nga saan nga umdas ti temporaryo nga addang kas iti suspensyon ti excise tax ken impettengna a kasapulan pay ti adadda a konkreto a solusyon para iti apektado a sektor.
Nupay binigbig daytoy ti P5,000 transport subsidy, saan nga umdas daytoy sigun kenni Senator Hontiveros.
Gapu iti daytoy, insingasingna a babaen iti Senate Bill No. 1986 ti P52.8 Billion subsidy package, pakairamanan ti P12 bilyon para iti transport subsidy.
Impaganetnet ni nasao nga opisyal a kasapulanen nga aggaraw ti gobyerno tapno maliklikan ti nakarkaro nga epekto iti sektor ti transporasyon iti pagilian. //bombokcs
