Impakaammo ni Bicol Saro Representative Terry Ridon nga awan paylaeng ti kumpirmasyon nu atendaran ni Vice President Sara Duterte ti impeachment hearing na iti House Committee on Justice a naituding ita nga aldaw.
Sigun kenni Representative Ridon, agingga iti agdama ket awan pay laeng ti komunikasyon manipud iti kampo ni Vice President Sara Duterte seknan iti panagatendarna iti impeachment hearing.
Impetteng met dagiti dadduma a mammanday-linteg kas kenni Deputy Speaker Paolo Ortega V a napateg a sumango ti bise presidente iti nasao a panagdengngeg tapno sungbatanna a nalaing dagiti akusasyon kontra kenkuana.
Sigun met iti House panel, saan a full trial ti mapasamak nga impeachment proceedings nu di ket panangsukimat kadagiti ebidensiya ken testimonya tapno kitaenda nu umdas dagiti basaran iti nasao nga impeachment complaints.
Karaman kadagiti alegasyon a sangwen ti bise presidente ket ti maatap a misuse of confidential funds, bribery, ken dadduma pay a pananglabsing iti konstitusyon. //bombokaren.c.s
