Natalged a nakaawid iti pagilian ti agarup 317 Overseas Filipino workers ken 26 a pamilya kadua ni OWWA Administrator Patricia Yvonne Caunan babaen iti chartered flight a simmangpet idiay Villamor Airbase, ala-sais ti agsapa idi kalman, Marso 23.
Dagiti nasao a repatriates ket manipud Bahrain, Kuwait, Qatar ken Saudi Arabia.
Nakipaset ni President Ferdinand “Bongbong” Marcos, Jr. iti panangsabat kadagiti nasao a repatriates no sadino personalna a kinumusta dagiti simmangpet a Pilipino.
Naimatangan metlaeng ti presensya da DMW Secretary Hans Leo J. Cacdac, OWWA Administrator Patricia Yvonne Caunan, DSWD Secretary Rex Gatchalian ken DOH Undersecretary Gloria Balboa.
Dagos a nangipaay ti Department of Migrant Workers ken OWWA iti tulong pinansyal kas iti pamasahe nga aramatenda pasubli kadagiti probinsiya ken aramatenda iti accomodation dagitoy.
Nangipaay met ti serbisyo medikal ti Department of Health ken Department of Social Welfare and Development (DSWD).
Imbilin ni President Ferdinand “Bongbong” Marcos ti panangtulong kadagiti nasao a repatriates babaen kadagiti trainings, livelihood, ken employment dagitoy. //bombokaren.c.s
