Kinumpirmar ti kampo ni Vice President Sara Duterte a saan daytoy nga umatendar iti panagdengngeg ti House Committee on Justice ita nga aldaw, March 25 maipapan kadagiti impeachment complaints a naipila kontra kenkuana.
Patien ni Atty. Michael Poa a double standard ti impatungpal ti komite a panangtingiting kadagiti impeachment complaints kontra kenni Vice President Duterte ken ni President Ferdinand Marcos Jr.
Gapu iti dayta, nangisumitir ti kampo ti bise presidente iti sungbat a mangkweskwestyunar iti due process iti panakaideklara dagiti reklamo a sufficient in form ken sufficient in substance.
Kagiddan dayta, nakiddaw metlaeng ti panakadismisar dagiti impeachment complaints kontra iti bise presidente gapu ta patienda a dagiti alegasyon ket saan a maibilang nga impeachable offenses.
