Naidumduma ti maysa a mula a maaw-awagan iti “Kantutan.”
Saan man a nasayaat ti kaipapanan ti nagan ti nasao a sabong ngem adu met ti benepisyo daytoy.
Nakaala iti atensyon ti “kantutan” wenno Paederia foetida L. gapu iti eskandaloso a nagan daytoy.
Maysa daytoy a mula a karaman iti Rubiaceae family ti kape.
Nabigbig daytoy a Plant of the Month idi napalabas a bulan sadiay Makiling Botanic Gardens ti University of the Philippines – Los Baños (UPLB).
Masarakan laeng daytoy iti pagilian a Pilipinas ken dagiti kaaruba a pagilian iti Asya ken Himalayas.
Iti baet ti saan a nasayaat a nagan daytoy, pagaammo met ti nasao a mula nga addaan iti adu a benepisyo.
Iti dadduma a pagilian kas iti India ken China, ar-aramatenda daytoy nga agas kadagiti sakit nga adda ti pakainaiganna iti saan a nasayaat a panaturog, urinal retention, urinary bladder, stones, diarrhea ken dadduma pay.
Saan man a scientifically proven dagiti benerisiaryo ti nasao a mula, ngem nabayagen a maar-aramat kas traditional medicine dagiti lokals iti pagilian a pakasaran daytoy. | via Bombo Marielle Apat
