Innawagan ti Senator Win Gatchalian, chairperson ti Senate finance committee and the Proactive Response ken Oversight for Timely and Effective Crisis Strategy (PROTECT) committee ti atensyon ti Department of Energy (DOE) ken Department of Trade and Industry (DTI) nga ikonsiderada ti panangipataw iti price cap wenno maximum price iti produkto a liquefied petroleum gas (LPG) iti tenga ti mapaspasaran a krisis ti pagilian.
Sigun kenni Senator Gatchalian, marigatanen dagiti Pilipino nangruna iti posible a panagngato ti presyo ti nasao a produkto ti agarup P35-P45 tunggal 11 kilo inton sumaruno a bulan.
Gapu iti daytoy, kiniddawna iti DOE ken DTI nga nainget nga imonitorda ti market pricing ken ikonsiderada ti panangipataw iti price ceiling iti produkto a petrolyo.
“I call on the DOE and DTI to ensure adequate supply, strictly monitor market pricing, and, if price increases are unwarranted, consider imposing a price ceiling on LPG as a prescribed measure against undue price increases during emergency situations provided under RA 10623, an act amending certain provisions of the Price Act (RA 7581) to protect consumers,” kinuna ti senador iti statement daytoy. //bombokaren.c.s
