Pimmusayen ti South Korean actor a ni Lee Sang Bo iti tawenna a 43, a nagbida iti TV drama series a “Miss Monte-Cristo.”
Sigun iti maysa a source, nasarakan a pimmusay ni Lee idi Huwebes kalpasan a nagresponde dagiti otoridad iti awag manipod iti pamiliada.
Manarimaan ti panagimbestigar dagiti otoridad iti rason ti ipupusay ti nasao nga aktor.
Sigun met iti agency ti aktor, manarimaan ti panagreggetda a makumpirmar dagiti kanayunan a detalye seknan iti ipupusayna.
Iti dandani dua a dekada iti kareran, nagakem ni Lee kadagiti supporting role iti telebision ken pelikula idiay South Korea.
Nagdebut daytoy iti tawen 2006 iti serye nga “The Invisible Man” ken rimmuar iti nagduduma a drama series, karaman ti “Miss Monte-Cristo” (2021), nu sadinno naalana ti umuna a lead role daytoy.
Idi tawen 2022, naibalud daytoy kalpasan a nakemmeg iti mapapati a panagaramatna iti iligal a droga.
Nawayawayaan daytoy iti pagbaludan kalpasan a naduktalan ti pulisia ti medical records daytoy a mangipakpakita nga agin-inum daytoy iti naireseta nga agas para iti mental health issue daytoy.
