Nakitaan ti indikasyon ti posible a rollback iti presyo ti produkto a petrolyo kabayatan iti upat nga aldaw a trading ita a lawas.
Daytoy ti nagbalin nga statement ni Energy Secretary Sharon Garin.
Nupay kasta, inlawlawag ni nasao nga opisyal a ti lima nga aldaw, Lunes agingga Biyernes, ti nagbalin a basaran dagitoy iti computation isu’t gapunna nga ururayenda pay laeng ti market closing ita a rabii sakbay a maiwaragawag ti pinal nga anunsyo.
Sigun kenni Secretary Garin, nu agtultuloy ti mannarimaan nga sitwasyon, posible a maaddaan iti bawas-presyo.
Ngem inlawlawagna metlaeng a posible a mabaliwan daytoy nu adda ti panagbaliw ti presyo iti maudi nga aldaw ti trading.
Innayon pay daytoy, maiyanunsyo ti opisyal nga adjustment nu bigat tapno maliklikan dagiti espekulasyon.
Namnamaen met ti nasao nga ahensiya ti posible a makatulong ti panagrollback ken subsidiya manipud LTFRB nangnangruna iti sektor ti pampubliko a transportasyon. //bombokaren.c.s
