Impakaammo ni President Ferdinand Marcos, Jr. ti pannakaikat ti excise tax para iti liquefied petroleum gas (LPG) ken kerosene.
Iti sidung direktiba , makissayan ti P3.36 ti tunggal kilo ti LPG wenno agarup P37.00 tunggal tangke, bayat a P5.65 met ti maikissay iti tunggal litro ti kerosene.
Malaksid iti bawas-buwis, impasigurado ti presidente nga agtalinaed dagiti presyo dagiti kangrunaan a magatang kas iti sardinas, tinapay, instant noodles, ken gatas, agingga iti ngudo ti bulan ti Abril.
Naikat metlaengen ti toll fees kadagiti fishports ken nakissayan ti terminal fees kadagiti pier para kadagiti luglugan a naglaon kadagiti produkto agrikultural.
Inlawlawag pay daytoy a pinili ti mannarimaan nga administrasyon nga pagtalinaeden ti VAT iti produkto a petrolyo tapno masustinir ti umdas a pondo iti subsidiya ken cash benefits para iti amin a sektor, saan laeng nga iti transportasyon.
Sigun kenni President Ferdinand Marcos, ti koleksyon manipud iti VAT ket maaramat tapno maponduan dagiti programa para kadagiti mannalon, senior citizens, PWDs, ken single parents babaen iti panangparegta ti “Benteng Bigas” program ken dadduma pay. //bombokaren.c.s
