Intuloy ti House Committee on Justice ti panagdengngeg iti impeachment complaints kontra kenni Vice President Sara Duterte ita nga aldaw.
Nakipaset ken nagbalin a testigo iti umuna a gundaway ni Ramil Madriaga, a nagpabigbig kas sigud nga “aide” ken mapapati a bagman ni Vice President Sara Duterte.
Nakadanon daytoy iti Batasang Pambansa manipod iti pagbaludan idiay Camp Bagong Diwa, nga addaan iti escort iti NBI, PNP, BJMP, ken House security.
Adda metlaeng iti panagdenggeg dagiti opisial manipod iti BIR, COA, NBI, ken dadduma pay nga ahensia, kasta metten ti legal counsel ni Duterte.
Nakipaset metlaeng dagiti complainant a da Father Joel Saballa ken Atty. Nathaniel Cabrera.
Kabayatanna, saan a nakipaset ni Vice Presidente Sara Duterte iti panagdengngeg iti House Committee on Justice seknan iti impeachment case kontra kenkuana, sigun iti maysa kadagiti abogadona a ni Michale Poa.
Karaman kadagiti reklamo iti impeachment case ket ti mapapati a saan a panagaramat iti confidential funds, panagpangta kontra kenni President Ferdinand Marcos Jr., ken ti pamiliana, ken ti saan a mailawlawag a kinabaknangna.
Nakipaset ni Poa iti panagdengngeg kas panagsurot iti subpoena ken maipapan iti isyu iti panagaramat iti confidential funds iti Office of the Vice President.
