Kinumpirmar ti Department of Social Welfare and Development (DSWD) ti ipupusay ti maysa a drayber a benepisyaryo iti cash assistance idi laeng kalman.
Dagos nga inbilin ni DSWD Secretary Rex Gatchalian iti Field Office ti NCR a makikoordinar iti ospital ken pamilya ti biktima para iti dagos panangipaay iti tulong.
Personal metlaeng daytoy a nakisarita iti pamilya ti pimmusay a benepisyaryo tapno makipagrikna ken ammuen nu kasano a makatulong ti nasao nga opisina.
Iti agdama, naipaayanen ti DSWD ti tulong ti pamilya babaen iti gastos idiay ospital, pannakaitabon, transportasyon dagiti kabagian, ken suporta para iti panagadal ti anak ti drayber.
Napasamak ti nasao nga insidente iti tenga ti panangipaay ti ayuda kadagiti motorcycyle taxi, delivery riders idiay Metro Manila. //bombokaren.c.s
