Nadangran ti innem nga indibidual kalpasan a natnag iti deraas ti maysa a truck a nagkarga iti semento nga asideg iti Lal-lo Airport idiay Cagayan, sigun iti Armed Forces of the Philippines (AFP).
Dagos a nagresponde dagiti sundalo a Pilipino ken Amerikano a paset iti Balikatan Exercise tapno isalakan dagiti biktima.
Uppat kadakuada ti umuna a naispal ken naiturong iti ospital, bayat a ti dua ket na-trap paylaeng ken nakapasar iti nakaro a pannakadunor sakbay a naisalakan ken naitayab babaen iti panagaramatda iti U.S. HH-60 Black Hawk helicopter paturong iti ospital a kumpleto ti medical facility.
Sigun iti AFP, immuna a nakasaksi ken timmulong dagiti kameng iti US Marine Corps iti insidente, bayat a papigpigsaen met iti 17th Infantry Battalion ti rescue operations dagitoy kadua dagiti kameng iti Philippine National Police.
Amin iti biktima ket sibilian ken awan ti nairaman a kameng iti militar.
