Maatap a karaman ti maysa nga student leader manipud University of the Philippines-Diliman University Student Council iti 19 a napapatay iti insidente a napasamak idiay Toboso, Negros Occidental sigun iti statement ti maysa a konseho idiay.
Nabigbig ti biktima a ni Alysaa Alano,Education and Research Councilor ti University of the Philippines-Diliman USC, a mapapati a pimmusay iti napasamak nga insidente idiay Barangay Salamanca iti Abril 19.
Sigun iti University Student Council, napasamak ti insidente kalpasan iti maatap nga awan sardeng a panangpalpaltog ti 79th Infantry Battalion ti Armed Forces of the Philippines (AFP) a nagresulta iti panagbakwit iti agarup 168 a pamilya a buklen ti 653 nga indibidual.’
Iti impabalaak ti nasao nga student council, inladawanda ni Alysaa kas “innocent civilian” ken kinondenarda ti pannakapatay daytoy.
”Tumitindi ang pandarahas, pandadakip, at pagpatay ng mga magsasakang Negrense,” sigun iti statement ng UP Student Council.
Kabayatanna, immunan a kinuna ti Philippine Army a ti napasamak nga engkwentro ket iti nagbaetan ti 79th Infantry Battlion ken dagiti mapagduwaduwaan a miyembro ti New People’s Army iti isu metlaeng pasdek.
Sigun iti report ti militar, agarup 19 ti pimmusay a maatap nga NPA members.
Iti agdama, awan pay laeng ti opisyal nga statement ti Air Force of the Philippines seknan iti nasao nga isyu. //bombokaren.c.s
